آخشامیدی

آخشامیدی
گوی قارالمیشدی
یئل کیچیک اوتاغین پرده سین یاواشجا دبردیردی

دیوارداکی بویوک ساعات دانگ دانگ زنگ چالیردی
لامپ ین ایشیقی او قدر آزیدی کی قیرمیزا چالیردی...

آنام ،من و جلیل سفره باشیندا اوتوروپ و آنام دیلینین آلتیندا دعا اوخوردی.
دعا اوخورکن بیر الده ده شوورن قاریشدیریردی.اوروجلوغیدی و اذان سسی اوزاقلاردان گلیردی
سفره میز بالاجا اما بوتون دنیانین صمیمیتی و سئوگیسی اورا ییغیشمیشدی.

من بالاجا بالیغیمزی هر باهالی ایندیکی ایت و آتلاردان آرتیق سئوردیم
من اونو سو پریسی حدینده سئویردیم.
اونا حکایه لر سویله ردیم

بیرجه شیشه لی کمدیمز واریدی
ایچینده ایکی پیشیک شکلینده دوزدان و نئچه ساری قاب
اما بوتون دنیاداکی موزه لر دن منه آرتیق سیر لی و درینیدی
ساعاتلار اولارا باخیپ و خیال قوشاردیم.
اویناتمالی یوخودور
اما بیر قیرمیز پلاستیک آرابادان اوتورکی قونشونون دامینا دوشموشدو ،هله ده اورگیمده یارا وار

بیرجه سو آنباریمیز واریدی اما بوتون اقیانوسلاردان داها درین سانیردیم
بیر توت آغاجی و نئچه امرود...
اما بوتون اورمانلاردان داها کشف ائتمه یه ،گورنتی و قاریشقا ،میلانلی واردیدی
سوسری لری و یئر قوردلاری منه هر دهشتلی جاناواردان داها قورخونجودور
و او دالانداکی ۵-۶ پیلله منه شاه گلی پیلله لرینن ارتیق اوزون گلر دی...
دیوار دیبینده کی بالا کرتیم... ائله منه مالک لیق حسی وئریردی کی اوزومی دنیانین بویوک اکینچیلرینن سانیردیم
 و ساندیخانانین یئره توکولن سواخلاری ..

چوخ اوزله دیم بوتون میطباخدا اولان قره شیطان توریلاری
چوخ ایسته دیم حکماوار بامادورچولاری ائشکلر له حیطیمیزه بامادور گئتیرسینلر...رب قایناتماغی
بویوک اقیانوسی،اورمانیمی..مجید عمینین قوشخاناسین..عادیل گیلین مو آغاجلارین...دربندیمیزده کی توزی، توپراغی...
چوخ حسرت ده قالدیم انامین دیزینده باشیمی قویام و اوزون اوزون آغلایام یاتام.....